মৌলা চুন লে ৰে
খোদায়া অ’মেৰে ....
অংগৰাগ মহন্তৰ গান এটা শুনি শুনি পুৱা পেপাৰখনত চকু ফুৰাই আছোঁ | শ্ৰী মতীক মিঠা মাত এষাৰ দিলো
"হেৰা চাহ একাপ খোৱাবা নেকি ? "
কথাষাৰে যেন কদোঁৰ বাঁহতহে জুই দিলে | ভিতৰৰ পৰা ঠেকেচনি মৰা উত্তৰ এটা আহিল
" আজি মোৰ পাকঘৰত ন’ এণ্ট্ৰীৰ লাষ্ট দিন বুলি পাহৰিলে নেকি ? "
শ্ৰীমতীৰ মাহেকীয়া লেঠাভাগি আছে বুলি পাহৰিয়েই গৈছিলো | কথা আগনবঢ়াই নিজেই তৈয়াৰ কৰি খোৱাই ভাল বুলি পাকঘৰলৈ আগবাঢ়িলো | মায়েও চাঞ্চ এটা পাই খোচা এটা মাৰিবলৈ নাপাহৰিলে
"আগতে ঠাণ্ডা পানী এগিলাচো নাখাৱ নহয় | এতিয়া মজাটো পা , পাৰিলে মোকো একাপ দে "
ৰাতিপুৱাই প্ৰান্তিকখন লৈ পোনাকনৰ কাষত মা | পোনাকনৰ অ আ ক খ আৰু মাৰ প্ৰান্তিকৰ যুগলবন্দী | পোনাকনে অ আ ক খ লিখা এৰি প্ৰান্তিকখনৰ ভিতৰফালে লাডু আঁকিহে ভাল পায় |তাক দেখি মনে মনে ভাৱো
" হেৰৌ আঙুলিৰ মুৰত লিখিব পৰা অসমীয়া উন্নত আলোচনী কেইখনমানৰ ভিতৰত সেইখনো এখন | আলৈ এথানি নকৰিবি | " পিছে নাই , চাৰি পাঁচখনমান অসম আঁকিহে ভাল পায় সি |
গা ধোৱা ঘৰৰ পৰা ওলায়েই শ্ৰীমতীয়ে মোলৈ কেৰাহিকৈ চালে | চালে মানে প্ৰশ্নবোধক চিন | মানে মাৰক চাহ খোৱালা .. মোৰ কাপ ক’ত ? মোৰ দৰে বাৰু বাকী দুনীয়াৰ "হাজবেণ্ড" বোৰে পত্নীয়ে চালেই মুখ চাই কি ক’ৱ কৈ দিব পাৰে নে নোৱাৰে নাজানো | কিন্তু মই মুখ চালেই তেৰাৰ গৰ্ভ দেখা পাওঁ | বাকী মানুহৰ ঘৰত শাহুৰ অত্যাচাৰত বোৱাৰীৰ অৱস্থা বেয়া হয় , কিন্তু আমাৰ ঘৰ-সংসাৰ ওলোটা | শাহু-বোৱাৰীৰ সন্মিলিত অত্যাচাৰত পুত্ৰ ওৰফে পতিৰ অৱস্থা তথবৈচক হয় :( | তাতে ভূতৰ ওপৰত দানহ পৰাদি পোনাকন আছেই | লগতে তাৰ অদ্ভূত প্ৰশ্ন কিছুমান | মুঠতে অৱ্স্থা একেবাৰে শুকান পুখুৰীৰ বোকাত জীয়াই থকা বতীয়া মাছ কেইটাৰ দৰে | কেতিয়া বোকা শুকাই কৰকৰীয়া হ’ৱ তাৰ কোনো ঠিকনা নাই |
বন্ধৰ দিন কাৰণে ভাত মুঠি ধৰি বিছনাত | সাৰথি কৰিছোঁ ফেচবুক | খুলিয়েই অনলাইন পালো মোৰ পুৰণা কলেজীয়া বান্ধৱী নয়না | মোৰ মেডিকেলৰ দিনৰ পাৰ্টনাৰ | অতিমাত্ৰা নাটকীয় আৰু চিনেমা প্ৰিয় নয়না | চাটিংটো ডায়ল’গ বোৰ তেনেকুৱা | কলেজত এনেও আমাৰ দুটাক বুন্দীয়া ভুজীয়া বুলি মাতিছিল | যদিও আমাৰ মাজত এটা নিভাঁজ মিঠাতেলৰ নিচিনা বন্ধুত্বহে আছিল | মোক অনলাইন দেখিয়েই তাইৰ কুচকাৱাজ আৰম্ভ হ’লেই
"হাই ডাৰ্লিং .." কলেজৰ দিনৰ পৰাই তাই মোক ডাৰ্লিং বুলি মাতে ধেমেলীয়াকৈ | আল্টিমেট য়াৰী ডোষ্টি |
"থ’ হেৰৌ নামাতিবি তেনেকৈ .....কলেজ নহয় এইখন ...মোৰ ঘৰহে .....ক’ত আচ’ বে ?" মোৰ স্বভাৱসুলভ প্ৰশ্ন |
" নাহৰগুৰি , তিনিচুকীয়া ..তই ক’ত পচি আছ বে ? তোৰ ৱাইফ বৰ ধুনীয়া হেনো ? হয় নেকি অ’ ? তাইৰ কথাষাৰ শুনিয়েই দিল বাগ বাগ হ’ গয়া | হাজাৰ হ’লেও অন্যৰ মুখত পত্নীৰ প্ৰশংসা শুনাৰ মজাই বেলেগ |
"ধেত্ মোটা মুটি আৰু ডিয়েৰ ....তোৰ বিয়াৰ কি হ’ল ? তাইক সুধিলো
"এটাৰ লগত আছোঁ বে....হেঃ হেঃ "
তাইৰ খিল খিল হাঁহিতেই বুজিলো তাই যে ল’ৰাবোৰক নাকত ধৰি চাকত ঘুৰোৱা স্বভাৱটো বাদ দিয়া নাই | এনেতে শ্ৰীমতীও লাহেকৈ কাষত বহিলহি | তাৰ আগতেই চাটিং অফ | মেচেজ ডিলিট | মিছামিছি সন্দেহৰ ভাগি হোৱাতকৈ নোহোৱাই ভাল | আগতে ৰামায়ন কাণ্ড এখন হৈ গৈছে | গতিকে সাৱধানীৰ মৰণ নাই | শ্ৰীমতীয়ে বহিয়েই মোৰপৰা লেপটপ লৈ মোৰেই প্ৰফাইল পকোৱাত লাগিল | আজিলৈকে শ্ৰীমতীয়ে মোৰ প্ৰফাইল চোৱা নাই | শ্ৰীমতীৰ মোৰ প্ৰফাইল লুটিয়াই বগৰাই চোৱাৰ ষ্টাইল দেখি sony tvৰ CIDলৈ মনত পৰি গ’ল | যেন আই এছ আইৰ কোনোবা এজেন্টৰ প্ৰফাইলহে চাইছে | লাহেকৈ খোঁচ এটা মাৰিলো
"হ’ৰা কি বিছা্ৰিছা হে ? একো নোপোৱা | লাভ নাই | ৰিলেচনচিপ ষ্টেটাছ চিংগল থাকিলে কি হ’ল | দুনীয়াৰ মানুহে জানে মই বিবাহিত বুলি | অপুন নিট এণ্ড ক্লীন হেই মেডাম | "
শ্ৰীমতীয়েও হাঁহি এটা মাৰি "কাট" এটা মাৰিলে
"দুজনীমান জিৰ’ ফিগাৰৰ দেখিছোঁ ফ্ৰেণ্ড লিষ্টত | আমাৰ আকৌ শৰীৰৰ ওজন বাঢ়িছে নহয় | " কথাষাৰৰ শেষত গলখেকাৰিটো অলপ প্ৰয়োজনত্কৈ বেছিকৈয়ে ওলাল |মইও পৰি মৰা ভকত নহয় |
"তোমাৰ প্ৰফাইল আজিলৈকে খুচৰা নাই দেই অমুকাই |"
কথাষাৰ শুনিয়েই শ্ৰীমতীৰ মুখখন প্ৰথমে গহীন হ’ল | কলীয়া ডাৱৰে আগুৰি আগন্তুক তিনি চাৰি মিনিটত মুষলধাৰে কান্দোনৰ বৄষ্টি হ’ব পৰা পৰিস্থিতিৰ উদ্ভৱ হ’ল | পৰিস্থিতি নিয়ন্ত্ৰনৰ প্ৰচেষ্টা এটা চলাবলৈ লাহেকৈ শ্ৰীমতীৰ হাতখনত ধৰি ক’লো
" হেৰা ফেচবুক ব্বাদ দিয়াহে | পোনাকনকো লগ সংগ এটাও লাগে নহয় |"
কথাষাৰ শুনা মাত্ৰেই শ্ৰীমতীৰ মুখঘুৰাই শোৱা কোঠাৰ চৰকাৰী দেৱালৰ সৈতে মৌনব্ৰত পালন | যেন মোৰ মৌসনা কথাষাৰ নীলকণ্ঠৰ হলাহল বিষহে | নহ’বনো কিয় ? পোনাকনৰ মেজিকাষ্ঠ হোৱাৰ অভিজ্ঞতা এতিয়াও দুইটাৰ মনত সজীৱ হৈ আছে | তাৰ পাচৰ আধাঘণ্টীয়া নেৰা নেপেৰা প্ৰচেষ্টাৰ পাছত টিকিৰ হৄদয় গলিল | তাকো এটা চৰ্তত | ইভিনিং চৰ্ট দ্ৰাইভ ৱিথ চিকেন ম’ম ট্ৰিট | হ’ব | মানি ল’লো | এষাৰ কথাৰ কাৰণেই তিনি লিটাৰ পেট্ৰল আৰু দুই প্লেট ম’মৰ দাম শৰাধ হ’ব :( | যায়হওক ফেচবুকৰ কথাটো যে তল পৰিল | যিহে সন্দেহবাদী মানুহ | তিলটোকে তাল কৰিব | বিয়া পতা মানুহৰ কাৰণে ফেচবুকৰ নাৰী বন্ধুত্ব কেনেবাকৈ পত্নীৰ কানত পৰিলে প্ৰাণনাশৰ সমান বিপদ হ’ব পাৰে | সন্ধিয়ালৈ ইভিনিং দ্ৰাইভ | টিকিৰ মুখত হাঁহি | হাজাৰ হ’লেও পত্নীৰ এই হাঁহিবিলাকেই পতিসকলৰ আটাইতকৈ বিয়োগ বিন্দু অৰ্থাত্ "মাইনাছ পইন্ট " | এই হাঁহিৰ কাৰণেই ২৫ বছৰতেই আঢ়ৈ বছৰীয়া ল’ৰাৰ বাপেক :( | যিকি নহওক ধনৰ শৰাধ হ’লেও মনৰ আন্ধাৰ আঁতৰ কৰি শৰ্ট দ্ৰাইভৰ পৰা বেক টু ঘৰ-সংসাৰ |
পিছদিনা পুৱাই হস্পিতাল | সোনকালেই ৰোগী শেষ | চৰকাৰী কামৰ মাজতেই ফেচবুক :P | হস্পিতালৰ wi-fi | "এবচ’লুটলী ফ্ৰী" | ফেচবুক কৰাৰ মজাই বেলেগ | চৰকাৰৰ টকা | আকৌ নয়নাৰ কামোৰ আৰম্ভ হ’ল ...
’হেই ডাৰ্লিং ....চৰকাৰী কামত ফাঁকি দিছ’ ন’ ..ৰহ ... হেঃ হেঃ .."
"নাই দিয়া বে..এনেই...কি কৰি..."
মাজতে শ্ৰীমতীৰ ফ’ন | মোৰ ফেচবুক পাছৱৰ্ড লাগে | মানে ভাত খাই উঠি শ্ৰী মতী ঘৰৰ ডেক্সটপত | হৄদয় কঁপি গ’ল | | কাৰোবাক ফ্ৰেণ্ড ৰিকুৱেষ্ট পঠায় হেনো | মোৰ পৰা ???? সাতডালমান প্ৰশ্নবোধক চিন মগজৰ চাৰিওফালে উৰিল | আকৌ মিছা সন্দেহত ফঁচিবৰ ইচ্ছা নাই | সদায় কথা পাতি থকা কলেজীয়া বান্ধৱী কেইজনীৰ কনভাৰ্চেচন ডিলিট | লগতে বিয়াৰ আগতে গলাধঃকৰণৰ স্মৄতি ৰোমন্থন কৰা লগৰ কেইটাৰো মেচেজ ডিলিট | ততাতৈয়াকৈ পাছৱৰ্ড পাছ কৰিলো | লগে লগে এটা এটা উৰন্ত চুমা উৰি আহিল ফ’নৰ সিপাৰৰ পৰা | দিল গাৰ্ডেন গাৰ্ডেন হ’ গয়া | আকৌ কামত লাগিলো | টেনচন ফ্ৰী |
সন্ধিয়া ঘৰ পালোগৈ | শ্ৰীমতীৰ মুখলৈ চাই বতৰৰ আগজাননী ল’লো | বতৰ ফৰকাল | মানে মোৰ প্ৰফাইলত একো খুঁট নাই | ৱাহ | নিজকে আকৌ এবাৰ মিঃ নিট এণ্ড ক্লীন যেন লাগিল | চাহকাপ খাই পোনাকনক A B C Dৰ জ্ঞান আৰু লগতে ম’বাইলত ফেচবুক | অথনি নয়নাই বেয়াই পালে চাগৈ | একো নোকোৱাকৈ অফলাইন হৈ গ’লো | একো মেচেজ নাই | তাই অফলাইন এতিয়া | ডিউটিত হ’ব পায় | মেচেজ এটাকে দি দিলো |
"ছৰী ডিয়েৰ.....অথনি কামত বিজি আছিলো.....ক’ত মৰি আছ’ এতিয়া ? "
মেচেজ দিয়েই ফেচবুক অফ | পোনাকনক শিকোৱাত লাগিলো | পিছে পোনাকনৰ অধ্যয়ন অভ্যাস ভঙ্গ হ’ল পাকঘৰৰ পৰা অহা ঠাল বাতিৰ ঠাং ঠুং শব্দত | শ্ৰীমতীৰ কিবা হ’ল বুলি দৌৰ দিলো পাকঘৰলৈ | পিছে দুৱাৰমুখতে ডাবল ডিস্ক ব্ৰেগ মাৰি ৰ’ৱ লগীয়া হ’ল | কাৰণ দুৱাৰমুখ পাওঁতেই মোৰ মূৰ চুওঁ নুচুওঁকৈ দিল্লী যাত্ৰাত আগ্ৰাৰ পৰা অনা কাপ প্লেটৰ চেটটোৰ কাপ এটা সোঁ সোঁৱাই পাৰ হৈ যোৱা যেন পালো | তাৰ পাছে পাছে শ্ৰীমতীৰ হাতৰ শক্তিত পূৰ্ণ গতি পোৱা কাপটোৰ লগৰ প্লেট খনো মোৰ সিখন কানৰ কাষেদি গমন | শ্ৰীমতীৰ এই পুৰণা কেঁচাইখাইতী গোঁসানী ৰৄপ হঠাত্ ধাৰণৰ কোনো কাৰণ বিছাৰি নাপালো | যোৱা দুদিনৰ কথাখিনি চৰ্ট ৰিপ্লে এটা মাৰি চালো মনৰ ভিতৰত | একেবাৰে চাহ বনোৱাৰ পৰা বৰ্তমানৰ আগ্ৰাৰ কাপ প্লেটটোলৈকে | নাই, একো নাই দেখোন | চিন্তা ভাৱনাৰ মাজতে মোৰ সোঁৱে বাঁওৱে তিনি চাৰি হাজাৰমান টকাৰ বস্তুৱে গতি কৰিছে | শ্ৰীমতীৰ এই কেঁচাইখাইতী গোঁসানীৰ ৰৄপ শান্ত কৰে কোনে ? কাৰণেই বা কি ? ছয় সাত হাজাৰমানৰ শৰাধ হোৱাৰ পাছত যেনিবা শ্ৰীমতী কেঁচাইখাইতীৰ পৰা ফোঁচফোচনি থকা দূৰ্গালৈ ৰৄপান্তৰ হ’ল | মোক মহতীয়াই শুৱনি কোঠালৈ যাওঁতে ৰঙা চকুৰে চাই (অৰ্থাত্ কালিলৈ চাম আকৌ ,আজিটো শুৱনি কোঠাৰ পৰাই নোলাওঁ, কিডাল কৰিবা ) ম’বাইলটো হাতত গুজি গ’ল | অফ স্ক্ৰীন | বেচাৰা | শ্ৰীমতীৰ খং দেখি সিও নুমাই গ’ল | স্ক্ৰীণখন জ্বলাই ম’বাইলটো চালো | মেচেজ এটা | " আই ৱাজ অন ডিউটি ডাৰ্লিং...." | নয়নাৰ মেচেজ | শ্ৰীমতীৰ কাৰণে ডাৰ্লিংটোৱেই যথেষ্ট , মেচেজটোৰ বাকীখিনি নক’লেও হ’ব | খাৰখোৱা মগজটোৱে লাহে লাহেহে গোটেই ফেচবুকীয়া কাৰবাৰটো ধৰিব পাৰিলে | শ্ৰীমতীৰ মৌসনা মাতেৰে মোৰ পাছৱৰ্ড হৰণ.......ফেচবুক অফলাইন থাকিলে ফেচবুকে ম’বাইললৈ নটিফিকেচন আৰু মেচেজ পঠিয়াব পৰা ব্যৱস্থা... নয়নালৈ মোৰ অফলাইন মেচেজ... তাৰ পাছত তাইৰ ৰিপ্লাই... :(.. বুজিলে ৰাইজ | হায়ৰে মোৰ ঘৰ-সংসাৰ | শাস্তি হিচাপে এতিয়া পূজাৰ কেইদিন পোনাকনক আপদাল, ফেচবুক একাউন্ট ডি-এক্টিভেট আৰু লগতে শ্ৰীমতী বন্দনা ফ্ৰী...
যা দেৱী সৰ্বভূতেষূ
পত্নী ৰৄপেন সংস্থিতা
শাৰী দিছোঁ নেকলেছ দিছোঁ
এইবাৰলৈ মাফ কৰা ..:(
"
